75 гадоў Зянону Пазьняку

Розныя ў нас былі адносіны, але праз усё рознае – адно: Беларусь. Не шмат я ведаю людзей, у грудзях якіх гэтак бы балела беларускае сэрца.

ВОЛЯ
Зянону Пазьняку

Рака крыві за волю — праз вякі...
Калі і хто той волі меў даволі?
Зацятыя рабы зацятай волі
Не лепей, чым яе рабаўнікі.

Ніхто не змог, як воля, вольным стаць...
Хоць абдымайся з воляю аберуч —
Паэту вольнай птушкай не спяваць,
Не паляваць тырану вольным зверам.

А вольны, можа, толькі плач сірочы,
Няўцямны крык у прадсмяротны час, —
І кожны з нас здабудзе волю двойчы,
І двойчы згубіць волю кожны з нас.

Усім на волю Бог дае іспыт —
І не займець збавення ад іспыту:
Адзін раз воля — калі ты з нябыту,
Другі раз воля — калі ты ў нябыт.

Владзімір НЯКЛЯЄВ