Захініцеся, дзядзька Колас!

Вецер снегам
Па твары хвошча.
Да касцей прабірае мароз.
І світае дачасна плошча
Ад завеі і ад бяроз.

Слізгацяць па асфальту колы,
Расстрасаючы гурбы наспех.
Прабіраецца ранне ў горад
Праз суцэльны
Завейны снег.

Шэрань.
Мерзне ў паветры голас.
Ціхі горад ляжыць пластом.
Захініцеся, дзядзька Колас.
З Вашых плеч
Спаўзло паліто.

Леанід ПРАНЧАК

23.12.2021

Від редакції "Сіверщини".
Якуб Колас - класик білоруської літератури